النشره الخاصه بتوقعات الأمطار غدا ⛈️🌧️ بمشيئة الله تعالى وياريت الناس تقرأ المنشور كويس وهوضح فيه كل حاجه
منخفض جوى متوقع أن يؤثر على محافظات شمال الجمهوريه من السواحل حتى بعض مناطق من شمال الصعيد مع بدايه صباح يوم السبت تبدأ السحب الممطرة تتعمق بشكل تدريجى على مناطق من السواحل الشماليه زى مرسى مطروح والاسكندريه وكفر. الشيخ وشمال البحيره لكن الامطار فى الوقت دا هتكون عاديه مفيش منها اى قلق خالص لحد تقريبا الظهر
قبل الظهر هتتعمق بعض السحب الممطرة على مناطق متفرقة بشكل عشوائي على الدلتا زى الدقهليه والغربيه ودمياط على مراكز ومراكز وبرضو مفيش منها اى مشكله خالص ولا برق ولا رعد يبقى معنى كدا أن اليوم بكره لحد الظهر شبه كويس تخرج تسافر عادى
⛈️⛈️⛈️⛈️
متوقع أن تتحول السحب إلى سحب ممطره رعديه على فترات ومش معنى أنها سحب رعديه يبقى امطارها غزيرة
لا طبعا دا ممكن يحصل منها برق ورعد من غير اى مطر
والامطار فى المجمل متوسطه تكون غزيره لوقت بسيط جدا
وممكن تكون خفيفه بس النقط منها حجمها كبير
وفيه مناطق هتتوفر فيها بعض العوامل الجويه ممكن تمطر من أقل سحابه حتى لو الشمس طالعه
خلال الفتره من قبل العصر لحد المغرب هتتعمق السحب الممطرة إلى محافظات الدلتا والقاهره الكبرى ومدن القناه والفيوم واحتمال بنى سويف مع احتمال ضعيف توصل شمال المنيا
حدوث البرق والرعد على الاسكندريه وكفر الشيخ وبورسعيد ودمياط ومرسى مطروح ضعيف جدا لكنه وارد يحصل
فرص حدوث البرق والرعد هتكون اعلى نسبيا على
الدقهليه والشرقيه والغربيه والسويس والإسماعيلية لكن فى الطبيعى ومش مقلقه ومش هتستمر كتير
أما الدقهليه والمنوفيه والبحيرة والقاهره والجيزه والفيوم ليهم فرص حدوث برق ورعد بنسبه لا تتعدى 30 % لكنها فرص وارده الحدوث
بشكل عام وباختصار اليوم غدا لا يستدعى اى قلق أو خوف
تبدأ الحاله الجويه بكره قبل الظهر وتنتهى يوم الأحد المغرب
والله اعلى واعلم
يشرفنا تعليقك ونحب معرفة رأيك