كمسري يعتدى بالضرب على راكب امام بنتة فى القطار بسبب الغرامة مع العلم انة معاة التذكرة
اللهم إنا نعوذ بك من غلبة الدين وقهر الرجال 😥
النهارده ف قطر القاهرة/ طنطا وخصوصا فى محطة منوف .. كمسىري ضرب راجل بالقلم وبرجلة .. قدام بنته عشان مش معاه تمن التذكرة، والبنت لما شافت أبوها بينضرب قدام منها فضلت تبكي بكاء هستيريوتصوت، ولما الناس عرضت تدفعله الفلوس رفض كل الحلول وصمم ينزل الراجل وبنته من القطر 😢
تخيلوا كده كسرة نفس الراجل قدام بنته وهو بينضرب بالقلم من واحد جبان مارحمش عجز الراجل واستباح كرامته قدام الكل !!
تخيلوا كده إحساس البنت لما شافت أبوها سندها وضهرها ف الدنيا بيتهان قدامها وهي واقفة مش عارفة تعمله حاجة 😢
طب تخيلوا كده لو كان الراجل ده فكر يرد الضربة للكمسري كان هيحصل فية ايه وهيتعاقب علي كام جريمة منهم التعدي علي موظف ؟؟
طب والموظف لما يتعدي علي مواطن ده عادي ولا اي يا سيادة الوزير ..!!
الموضوع ده لازم يتاخد فيه إجراء رادع ولازم الكمسري ده يتم معاقبته علي الاذي النفسي اللي اتسبب فيه للراجل ولبنته، ويعرف إن فيه الف طريقة إنك تاخد حقك غير إنك تكسر بني أدم يمكن يكون كرامته هي كل ما يملكه ف الدنيا 😢
ولازم يتم وقف المهازل الكارثية اللي بتحصل من موظفين الحكومة
حسبنا الله ونعم الوكيل فيكم .. ربنا ينتقم منكم ..
بيان صادر عن هيئة السكك الحديدية:
أصدرت هيئة السكك الحديدية اليوم بياناً بشأن واقعة الفيديو المتداول على مواقع التواصل الاجتماعى والخاص بحدوث مشادة بين كمسارى قطار 541 ركاب منوف / طنطا يوم 12/7/2021 وأحد الركاب بسبب تحصيل الاجرة والغرامة والذي قامت فيه احدى راكبات القطار بالحديث عن اعتداء الكمساري على المواطن ورفض الكمساري تحصيل الأجرة والغرامة ومناشدة المسئولين بالسكة الحديد ووزارة النقل بالتحقيق في الواقعة حفاظاً على حقوق الراكب
تؤكد الهيئة القومية لسكك حديد مصر أنه تم إيقاف كمسارى القطار عن العمل وتحويله للتحقيق الفوري وأن المخطئ سينال عقوبة مغلظة فلا تهاون في حق أي راكب خاصة أن لوائح السكة الحديد وتوجيهات السيد الفريق مهندس وزير النقل ترتكز على حسن معاملة الركاب وأن يكون التعامل في كافة المواقف وفقاً للقانون وفي إطار الاحترام التام للراكب
وأنه عند انتهاء التحقيقات سيتم إعلانها بكل شفافية
وتؤكد الهيئة على الاحترام التام لكافة جمهور الركاب وأن كل العاملين بها يستهدفون خدمة الراكب المصري والعمل على تسهيل حركة تنقله عبر خطوط السكك الحديدية المختلفة مع الحفاظ على حق الهيئة في تحصيل قيمة تذكرة السفر بالطرق القانونية بما ينعكس على الخدمة المقدمة للراكب .
شاهد بالفيديو انفعال سيدة على كمسرى بسبب ضربة لرجل كبير امام بنتة الطفل وامام الركاب بسبب الفلوس
////
يشرفنا تعليقك ونحب معرفة رأيك