منح الجامعات الخاصة المصرية لطلاب الثانوية العامة
______________________
#########################
للناس ال كانت بتسأل ع المنح
الجامعات اللى بتقبل المنح ...
١-جامعه بدر
٢_جامعه النهضه
٣_جامعه mti
٤_جامعه ٦ اكتوبر
٥_جامعه must
٦_جامعه درايه
٧_جامعه فاروس
٨_ الجامعه البريطانيه
٩_الجامعه الكنديه
١٠-الجامعه الروسيه
١١_جامعه حورس
١٢_جامعه الدلتا
١٣_جامعه سيناء (دى لطلاب محافظات الحدود فقط وطلاب محافظه سيناء بس )
الورق المطلوب
1-مستخرج شهاده الثانويه العامه ..وتكتب عليها الجهه الموجه إليها .
2-صوره شهاده الثانويه العامه الأصل
3-شهاده الميلاد الأصل للطالب
4-صور شهايد الميلاد للاب والام والأخوات كلهم
5-صور بطاقه الاب والام والطالب
6-البحث الاجتماعى وصوره اكتر من صوره بردو
7-حيازه الزراعيه
8-فاتوره كهرباء وفاتوره ميه
9-اثبات قيد من المدرسه للطالب واخواته بردو
10-مفردات مرتب رب الاسره
............
من فوق ٩0٪ قدم طب بشري
من فوق 85٪قدم صيدله او اسنان
من فوق 80٪ قدم علاج
من فوق 75٪ للرياضه قدم هندسه
--------------------------------------------------------------------------
المنح الدراسية في الجامعات الخاصة المصرية :-
عندنا في مصر جامعات خاصة كتير جدا والاسعار السنة دي فيها نسبة زيادة رهيبة عن كل سنة يعني رقمها اكبر من رقم الجلوس بتاعك شخصيا وهتلاقي الأسعار بتاع الجامعات الخاصة للسنة الجديدة كلها موجودة تحت في الصور تحت والجامعات دي برضو تعليمها كويس جدا الجامعات دي بتقدم منح للطلاب المتفوقين في الثانوية العامة واللي وقفت معاهم الكليات اللي عايزينها علي حاجات بسيطة وكمان علي حسب الحالة المادية والاحتياج.
--------------------------------------------------------------------------
مواعيد الاعلان عن المنح :-
المنح دي بيبدأ الاعلان عنها من اول شهر 8 وتختلف من جامعة لجامعة في اي وقت من الشهر وبتعرف بيها يا اما عن طريق صفحات الجامعات علي الفيسبوك او وسائل التواصل الإجتماعي التانية او انك تروح تسأل في الجامعات وتتأكد من التفاصيل بالظبط
--------------------------------------------------------------------------
الشروط والأهلية :-
1- خريج مدرسة حكومية مصرية يعني ده مش متاح للمعادلات
2- لازم تكون مصري ابن مصري ابن مصرية
3- متخرج من الثانوية العامة في نفس السنة اللي هتقدم فيها يعني السنة دي 2019 يبقي لازم تكون مخلص ثانوي في السنة دي مش سنة قبل كدة
4- بالنسبة للمجموع ان تكون معدي ال90 % او هتلاقي ان في جامعات ليها الحد الادني والتنسيق الداخلي بتاعها يعني مثلا لو انت هتقدم صيدلة والتنسيق الداخلي في الجامعة دي ان الحد الأدني لصيدلة 96 يبقي لازم تكون جايب الحد الأدني ده ولو كتر يبقي كويس وده زي اللي في جامعة مصر ممكن تكون كل الجامعات كدة وكلهلم ليهم تنسيق داخلي المهم تكون جايب مجموع عالي ان شاء الله
5- شرط مهم جدا انك تكون مقدمتش يعني مملتش الابلكيشن بتاع الجامعة يعني مروحتش الجامعة وومليت ابلكيشن عشان تقدم
(شروط عامة في كل الجامعات ممكن يكون في جامعة ليها شروط تانية بس الحاجات دي تقريبا ثابتة في الكل)
--------------------------------------------------------------------------
المستندات المطلوبة :-
1- شهادة الثانوية العامة بتاعتك اللي اخدتها السنة دي من المدرسة وكمان بيان الدرجات وده بتجيبه من الادارة التعليمية اللي انت تابع ليها وبيسألك عن الجهة اللي هو موجهة ليها فلو كذا جامعة مضطر تجيب اكتر من واحد وتمنه 20 جنية تقريبا.
2- محتاج تجيب مفردات مرتب السيد الوالد ملكش انت دعوة قوله هو وخليه يتصرف وبرضو محتاج اكتر من واحد لو هتقدم في اكتر من جامعة.
3- محتاج تعمل بحث اجتماعي ويكون الجهة الموجهة لها الجامعة اللي هتقدم فيها يعني لو هتقدم في كذا جامعة يبقي تعمل بحث اجتماعي لكل جامعة وده بيتعمل في مجلس المدينة او المجلس المحلي في البلد عندكم تقريبا المهم ايا كان قول لبابا وهو هيعمله برضو.
4- محتاج انك تجيب اثبات قيد من المدرسة بتاعتك وكمان تجيب اثباتات قيد لاخواتك لو هم في التعليم برضو. وعلفكرة من الشروط برضو اللي نسيتها انه مش يكون ليك اخوات في جامعات خاصة
5- محتاج يا سيدي انك تجيب تجيب صور بطايق البيت كله انت وبابا وماما وناهد وكل اخواتك ولو مش معاه بطايق يبقي تجيب شهادات الميلاد .
(مستندات عامة في كل الجامعات ممكن يكون في جامعة ليها مستندات تانية بس الحاجات دي تقريبا ثابتة في الكل)
------------------------------------------------------
مميزات المنح دي :-
1- مقعد دراسي مجاني
2- بتدفع ثمن الكتب
3- بتدفع بس تأمين علي المعامل بيختلف تنمه من جامعة لجامعة
-------------------------------------------------------
شروط استمرارية المنحة :-
1- انك تكون جايب تقدير جيد كحد ادني كل سنة ممكن ده يختلف من جامعة لجامعة فلازم تسأل وتتأكد برضو
----------------------------------------------------.
اكتر جامعه مضمونه هى جامعه must
....كل الجامعات بتقدم فيها كليه واحده بس ..ماعدا عن جامعه must ممكن تقدم فيها اكتر من كليه ...تعمل كوبي للورق وتقدم ف كليه تانى داخل الجامعه
يشرفنا تعليقك ونحب معرفة رأيك